The Spae Wife

Post Reply
User avatar
Nahemah
Forum Member
Forum Member
Posts: 5068
Joined: Wed Apr 01, 2009 9:49 pm
Location: Sunny Glasgow by the Clutha's side

The Spae Wife

Post by Nahemah »

THE SPAE-WIFE

YE frien's o' deep knowledge, if wise ye wad be,
Creep into my cave an' a' secrets ye'll see;
If maiden, or mother, uncertainty bother,
Frae doubt an' frae darkness, their min's I can free:
Ilk lass, no tald lees on, wha deems, an' wi' reason,
The youth she oblig't frae her fond arms will flee,
An' wife, in a fear ay, that jilts meet her dearie,
May learn the hale truth by applyin' to me.

Gif Chanticlear's ta'en frae the roost whare he craw't;
Or horse, kye, or sheep, frae the pasture-fiel' ca't,
My head I'll bestow ye, if I dinna shew ye
The leuks in a glass, o' the loun that's in faut:
Or else if ye cleek up, an' toss my delft tea cup,
If danger, or death's near, the gruns plain will shaw't:
By cuttin' o' cartes folk, an' no' by black arts, folk,
O past, present, future, I'll read ye a claut.

A spunkie reply't, wha oureheard the dark dame -
"Guid wife! they wha trust ye defeat their ain aim;
'The henpecket taupie, wha'd wiss to be happy,
"Sud ax nane wha ken - what the wife does at hame:
"Ilk sport-lovin' weary, might dread to come near ye,
"Wha ken'st the dark neuk whare she try't the blythe game -
'The grand plan of Nature's conceal'd frae a' creatures;
"Nor cud their skill chang't gif they kent the hale scheme.

'Ye promise promotion, an' sin' frae the mead
'The shepherd to sea, whare some shark soon he'll feed;
'The young thing, sae bonie, weds some canker't clownie,
"Because ye've presag'd that nae ither's decreed -
"While dupes trust the sybil far mair than the bible,
"An' change the last sixpence that ye may be fee'd,
"I'll scorn the to-morrow, an' banishin' sorrow,
"Learn mair light frae whiskey than e'er fill't your head.


__________

James Orr, Bard of Ballycarry
"He lived his words, spoke his own actions and his story and the story of the world ran parallel."

Sartre speaking of Che Guevara.


"I'm either a fucking genius or a purple Volkswagen Jetta."
- GeriBot


We live in a RAI N B O W of Chaos.

Paul Cezanne

Asurendra
Forum Member
Forum Member
Posts: 1002
Joined: Fri Jun 28, 2013 11:06 pm

Re: The Spae Wife

Post by Asurendra »

I have this in one of my volumes of 'Reliques of Ancient English Poetry' by Percy.

Post Reply

Return to “Shamanism”